ایتمیشم، دئیه‌سن!
تاپیلدیغیما دؤیونه‌جـَگم.
طالئعیمله دیل به دیل دئـییب ده،
اؤزومو باشدان گئـیینهجَـگم!

ایتمیشم، دئیه‌سن!
تاپیلدیغیما دؤیونه‌جـَگم.
طالئعیمله دیل به دیل دئـییب ده،
اؤزومو باشدان گئـیینه جَـگم!

ایتمیشم دئیه‌سن!
چاشـ باش اولوب دا،
تؤکولن یارپاقلاری یئرلرینه تاخیرام؛
یئرینه خاطیرا دریرم،
آیاقلاریمی دره دره؛
ناققیشلی گئدیرم،
اوشاقلیغیمی گؤره گؤره . . .

قوی اوشاقلیغیمی باشدان فیشقیریم،
قیشقیرانلار هارا چاتدی کی؟
قوی اتـَگیمه نار دنهلییم ،
اورگیمی بیر اووج دن کیمی یئرلره سـَپیم،
ساچلاریمین سامانینی سوووروم ــ
آینالاری یامسیلاییم.

ایتسم، نه اولور؟
مگه یوخولاریندا آز ایتمیسن سن؟
یوخو هاواسینا یئریـیـَنده،
الیندن یاپیشیب، آپاریب سالیبلار یئریوه!
هانکی آینا ایتنلری گؤستریب کی؟

باخ! کاغاذلاردان کسیلمیش آداملاریمدا،
قادینلیـ کیشی‌لی ال اله وئریبلر!
یورقونلوقلار یورولوب قیریق قیریق، کوچه‌لرده
قالیبلار.

بیلیرسن؟!
من هؤروگومو کندیر ائلهییب سنی یوخارییا چکمیشم!
سنی اوزومه باخمایان باخیشیندان تانییرام
بوقچالاردا گزدیردین منی
تاقچالارا دوزدوردون منی

بیرجه واراق آغ کاغاذ بئله ساخلامادین منه
ــ آدیمی یازماغا!
من ایسه، مین ایللر دیر، هؤرولموشم، هؤروکلریم‌له؛
باخ! جانیمدا کی هؤرمهلرین یئرینه!