فرانک فرید ایپک
توزلاشان سو
سنی منی دیللـَندیرن دنیز!
چیرپینان دالغالارین،
گاه سیلکه له ییر،
گاه داشیردیر، گاه سیندیریر،
ساحیله دوزدوگوم سؤز چاناق لارین.
سنی منی دیللـَندیرن دنیز!
چیرپینان دالغالارین،
گاه سیلکه له ییر،
گاه داشیردیر، گاه سیندیریر،
ساحیله دوزدوگوم سؤز چاناق لارین.
قیـیی دا،
قوم لارا داغیلان بالیق قولاق لاری تک،
هم سؤز اولور هم قولاق؛
هم سو اولور، هم اوجاق!
قورلار داشلانیر،
تونقال لار یانیر، آلوولار ایلقیملاییر
چاققیشمالاریندان.
سنی چیرپینان،
چاغلایان،
داملالاشان،
نارینلاشان،
توزلاشان،
سوورولان سو!
سؤندورمه دن قورلاریما قووشان،
توخونا، توخونمایا بئله!
اودیله سویون چارپازلیغی،
سارماشیقلانان سئوگی گؤرکمی
